Nuwe Seisoen - Nuwe Ervaringe

Die Somer is amptelik verby. Dis herfs en dit raak nou koud. In Suid Afrika kry die ouens nog steeds warm.

'n Mens 'ruik' die winter in die lug. Dit word nou vroeer donker en later lig en dit bly nog steeds mooi.

Daar is vir my niks mooiers as die mistigheid wat Auckland omvou nie.

Elke oggend kyk ek uit op die vallei en sien hoe die mistigheid die wereld omvou. Net so ook wanneer dit reen, omvou 'n wasigheid die landskap en tower dit om in 'n sprokieswereld.

Maar daar is 'n prys om hiervoor te betaal. 'n Prys wat jou sak skud en ook die prys om ver van jou familie en geliefdes te wees. 'n Prys om te betaal vir vryheid, gemoedsrus, vrede en veiligheid. 'n Prys wat vir ons die moeite werd is om te betaal.

Ons is nou besig met Permenente Residensie (PR) en dan kan ons asem haal. Ons doen alles self, en dis nie aldag maklik nie. Mediese toetse, poliesie klarings, vorms wat in gevul moet word en dan die wag.

Ons het nou al 2 keer vir ons werkspermitte aansoek moes doen en ons polisie klarings het net net verval. Dit moet weer gedoen word en ai, hulle is maar nie baie hastig in Suid Afrika nie. Jy weet mos ... tea time - 'n uur lank ... lunch time - so 'n bietjie langer as 'n uur en dan drentel ons langsaam kantoor toe wat nog 'n halfuur neem, want daar word eers langs die pad vir iemand van al die lief en leed by die huis vertel.

Dan besef ek opnuut - Dit is 'n voorreg om elke oggend in Auckland wakker te word. Ons het die motor verkeer gewoond geraak wat by ons huis verby snel van soggens ses uur. Ons het dit verruil vir voel gesang van die plaas, maar sodar almal by die werk is, geniet ek die voel sang van die Tui (uitgespreek as Toehie).

Nog steeds hoor ons tortel duiwe en mossies. Ek mis nogals die tarentale. Hier is wel tarentale wat hier voorkom. Natuurlik ingevoer van Suid Afrika


NZ: Tui Tui Tui Bird

Indien jy belang stel om na New Zealand te immigreer kan jy gerus vir Marin Aucamp contak by MP Immigration